1月7日反高鐵最新消息

告急!1月8日要萬人big爆立法會,才可迫使政府撤回方案!

燃點反高鐵烽火,請廣傳此電郵


菜園村關注組主席高春香:撐菜園村即係撐八十後,即係撐香港人。每個人的犧牲都是有價值的。
正言匯社張超雄:感謝有高鐵,因為冇高鐵就唔會知道有一條一直在默默耕耘的菜園村。政府鏟除真的綠色生活,去建構所謂珠三角一小時生活圈,冇荒謬的。呢個社會一直講發展係硬道理,忽視了人本價值,同埋發展帶來的階級矛盾,依家有八十後的青年以謙卑的手法表達訴求,令我有所反思,亦希望最終政府會反思。
中大教育學院蔡寶瓊:現在社會的發展是割裂人同大地的關係,人和地、人和人本來都是相連的。苦行是修練,可以洗淨人的貪婪,祝願苦行者平安,同埋都帶平安俾眾人。
嶺南大學中文系陳雲:反高鐵是好簡單的道理。根本冇人支持,功能組別支持純粹是他們可以瓜分那六百幾億的工程費。其實响錢黎講都係一件好唔公義的事,呢個咁簡單的道理,唔明點解香港人會唔明白。
導演崔允信:一開始認識呢班八十後青年是在皇后碼頭清場前幾日,當時唔知佢地搞乜,但呢次佢地居然能凝聚咁多人。歷史已經證明左佢地行的路是啱的。
民間研究者謝冠東:反高鐵有兩個理由,一個是金色的,一個是綠色的。金色那個就是錢太多、太貴,每年的維護費都是很貴的,一定會蝕錢;綠色的理由是依家的方案破壞好多綠色的生活,譬如菜園村。政府點解唔考慮一個破壞較少的方案呢。


縱然萬千問題政府仍未解決,質疑不絕於耳,政府仍強行將669 億廣深港高鐵申請撥款,菜園村民一生心血,天價公帑,功能組別利益輸送問題,都聚焦在一月八日的立法會財委會會議上。

反高鐵‧停撥款大聯盟通過,將再次呼籲市民在當日下午一點半來到立法會外監督議員

出來!!!!!!!!!!!
反高鐵!停撥款!擔起政府!

幾十個議員,決定我的錢點洗,決定我的城市發展
想佢地個腦關注綠色可持續發展,停止利益輸送官商勾結

上次你可能要考試,今次放緊假,No excuse!

上次你可能請唔到假,今次財委會好有可能開到晚上九時,No excuse!

0108全民請假Big爆立法會

日期: 2010年1月8日
時間: 13:30 – 21:00
地點: 我們的立法會


高鐵戰訊

1月5日高鐵戰訊﹝倒數三天﹞:五區苦行開始!

1月4日高鐵戰訊﹝倒數四天﹞:八十後反高鐵青年五區苦行 ‧ 六苦行者起步前述志

12月31日高鐵戰訊:1月8日前反高鐵運動日程 ‧ 功能組別高鐵分餅錄

12月24日高鐵戰訊:1月8日全民BIG爆立法會 ‧ 八十後將《阿凡達》觀眾帶到菜園村

影行者︰高鐵惡果,禍延三代

新聞透視︰膠鐵有幾膠?


行動

一人一大頭,保衛家園,捍衛土地

廣告